Білім беру басқармасының бастамасымен  2017 жылғы  10 наурызында  Екібастұз қаласындағы № 19  арнайы жалпы білім беретін мектептің акті залында  «Логопедиялық қонақжай» акциясы  өткізілді.Сөйлеу дамуы тежелген балаларға ерте түзету көмегін көрсету мақсатында бұл қонақжайға жетекші мамандар - логопедтер, психологтар, арнайы мекеме дефектологтары шақырылды.

Бүгінгі күні мектеп жасына дейінгі балаларда сөйлеу дамуының тежелуі өзекті мәселе болсада, шешімі табылуда. Жалпы сөйлеу қабілеті дамымаған балаларды уақытында анықтау-бұл  бұзылуды ерте түзету және болашақта алдын алу алғышарты. Аталған акцияда сөйлеу қабілеті бұзылған 51 бала логопед, невропатолог, психологилық- медициналық- педагогикалық кеңес беру және психологилық- педагогикалық түзету кабинеті мамандарының тегін кеңесін алды. Ата-аналар  өз балаларына көмек көрсету жөніндегі ұсынымдарымен  танысты. Барлық келген  ата-аналар оларды қызықтыратын сұрақтарға жауаптар алып, акция жайлы, достық жағдайда өтті.

2017 жылдың 27 ақпанынан 03 наурызы аралығында мәдени бағыттағы пәндер апталығы өтті. Апталықтың ашылуы 1-9 сынып оқушыларының  балалар көркем-сурет мектебіндегі "Қысқы қиял-2017" шығармашылық байқауының   көрме  жұмыстарына  экскурсия жасаудан  басталды. Балалар  БКМ оқушыларының жұмыстарын тамашалап қана қоймай, шеберханаларға барып, көркемөнер мектебінің  мақтанышымен  және оның жетістіктерімен  танысып қайтты . Дене шынықтыру пәнінің мұғалімі СарбасоваУ.А. 3 "Б" сыныпта "Спорттық ойындар. Баскетбол" атты ашық сабақ өткізді. Балалар  допты тіке, оң және сол қолмен лақтырумен  танысты. Балалар "Доп капитанға", "Доп жетекшіге "Кім жылдам" ойындарына қуана-қуана кірісіп кетті . Сабақ жақсы деңгейде өтті . 4 "Б" сыныбында музыка және ән күй сабағынан "Э. Григ музыкасы» тақырыбында  ашық сабақ өткізілді. Музыка мұғалімі  Криворучко О.В. оқушыларды норвегиялық композитор шығармашылығымен  таныстырыды.